monumenta.ch > Plinius > sectio 123
Word Selection for Searching
Report an Error in this Sectio
Plinius, Naturalis Historia, 24, 123
{LXXV} Idaeus rubus appellatus est, quoniam in Ida non alius nascitur. est autem ac minor, rarioribus calamis innocentioribusque, sub arborum umbra nascens. huius flos cum melle epiphoris inlinitur et ignibus sacris, stomachicisque ex aqua bibendus datur. cetera eadem praestat, quae supra dicta.